Los-Andjeleste Grammy mýzykalyq syılyǵynyń jeńimpazdaryn jarııalaıdy
ASTANA. QazAqparat - Los-Andjeleste álemdegi eń bedeldi Grammy Awards mýzykalyq syılyǵyn tapsyrýdyń 57-shi saltanaty ótedi, dep habarlady TASS.
Nagradany AQSh óner jáne gramjazba tehnıkasy ulttyq akademııasy jyl qorytyndysy boıynsha eń úzdik mýzykalyq jetistikteri úshin taǵaıyndaıdy. Shara «Stepls» sporttyq oıyn-saýyq kesheninde jergilikti ýaqytpen saǵat 17:00-de (máskeý ýaqytymen 9 aqpanda saǵat 04.00-de) bastalady. Bul joly uıymdastyrýshylar atalymdardy 108-den 83-ke deıin qysqartýǵa uıǵardy. Sonyń ishinde jetpis jeńimpaz negizgi saltanat bastalǵanǵa deıin jarııalanady. Sóıtip, shoýdy uıymdastyrýshylar halyqaralyq translıatsııa úshin eń tanymal sanattardy ǵana qaldyrady. Eń bedeldi atalymdar «úlken tórttikke» biriktirilgen. Olar - «Jyl jazbasy», «Jyl albomy», «Jyl áni» jáne «Úzdik jańa oryndaýshy».
Shoý kórermenderin ánshi Rıannanyń búkilálemdik premerasy kútýde, ol Pol Makkartnımen jáne amerıkandyq reper Kane Ýestpen birge óziniń "FourFiveSeconds" sınglin oryndaıdy. Shoýǵa juldyzdar Madonna, Ledı Gaga, Tom Djons jáne Ennı Lennoks, ataqty AC/DC qatysady dep kútilýde.
«Stepls» 21 myń kórermenge arnalǵan. Jyl saıyn ortalyq 250-den astam mádenı, sporttyq jáne basqa da sharalardy, sonyń ishinde Ulttyq basketbol qaýymdastyǵy chempıonatynyń fınalyn, AQSh-tyń mánerlep syrǵanaý chempıonattaryn, saıası partııalardyń sezderin ótkizedi.
«Gremmı» syılyǵy alǵash ret 1959 jyly 4 mamyrda tapsyryldy, sodan beri jyl saıyn, 2004 jyldan bastap, Los-Andjeleste ótkizilip keledi.
