Los-Andjeleste Golovkın men Rolls kóz arbasty

NUR-SULTAN. QazAqparat - Qazaqstandyq boksshy Gennadıı Golovkın (38-1-1, 34 KO) men kanadalyq Stıv Rolls (19-0, 10 KO) Los-Andjeleste (Kalıfornııa shtaty, AQSh) ekinshi ret baspasóz máslıhatyn ótkizdi, dep habarlaıdy QazAqparat Sports.kz-ke silteme jasap.

Golovkın 8 maýsym kúni «tamasha shoý» syılaıtynyn taǵy da atap ótti, sondaı-aq Rollsty qarsylas retinde tańdaýy kezdeısoq emestigin tilge tıek etti. «Stıv osy jekpe-jekke laıyqty. Menińshe, ol osy jekpe-jek úshin qolynan kelgenniń bárin jasaǵan birden-bir boksshy boldy, sondyqtan da osy jekpe-jekti aldy», - dedi Golovkın.

Rolls, óz kezeginde, jekpe-jekte jeńiske jetý úshin de qolynan kelgenniń bárin jasaıtynyn jetkizdi.

Baspasóz máslıhatynan keıin Golovkın men Rolls dástúrli kóz arbasý rásimin ótkizdi. Olardyń jekpe-jegi 8 maýsym kúni Nıý-Iorktegi Madison Square Garden arenasynda ótedi.