Los-Andjeleste 11 myńnan astam jumysshy 24 saǵattyq ereýilge shyqty
LOS-ANDJELES. SINЬHÝA-QazAqparat – Seısenbi kúni AQSh-tyń ekinshi iri qalasy Los-Andjeleste 11 myńnan astam jumysshy 24 saǵattyq ereýil jarııalady, dep habarlaıdy QazAqparat Sınhýa aqparat agenttigine silteme jasap.
Ońtústik Kalıfornııadaǵy eń iri memlekettik sektor kásipodaǵy - Qyzmet kórsetý salasy qyzmetkerleriniń halyqaralyq kásipodaǵy /SEIU/ local 721 Feısbýkte «ádiletsiz eńbek tájirıbesine» baılanysty bir kúndik ereýil týraly habarlady.
«Biz Los-Andjelestiń /bıliktiń/ ádiletsiz kelissózder júrgizýge jáne eńbek zańnamasyn birneshe ret buzýǵa tyrysýyn qolaıly dep sanaýdan bas tartamyz. Búgin syılastyqty talap etip, qadir-qasıetimiz úshin kúresýge ereýilge shyǵamyz», - dep atap ótti kásipodaq.
Ereýil úlken jáne kishi memlekettik mekemeler qyzmetin toqtatady dep kútilýde, dep jazady Los Angeles Times gazeti. Bul kúni qoǵamdyq basseınderdiń kem degende bir bóligi jumys istemeıdi. Qoqysty shyǵarý bir kúnge toqtatylady. Sondaı-aq, qalada janýarlarǵa arnalǵan panalaý oryndarynyń jumysy toqtaıdy.
Sońǵy aptalarda AQSh buryn-sońdy bolmaǵan kásipodaq belsendiligi men ereýilderin bastan ótkerdi.
Kásipodaqtar ońtústik Kalıfornııada 95 myńnan astam adamnyń múddesin qorǵaıdy. Onyń músheleri arasynda aýrýhanalarda, baspanalarda, psıhıatrııalyq mekemelerde, sottarda, quqyq qorǵaý organdarynda, kitaphanalarda, kóshe qyzmetteri men saıabaqtarda, jaǵajaılarǵa qyzmet kórsetý, sanıtarlyq tazalyq, sýdy tazartý jáne sý jınaýdy basqarý salalarynda jumys isteıtin adamdar bar.
