Los-Andjeles–2028 Olımpıadasynyń tolyq kestesi jarııalandy

ASTANA. KAZINFORM — Los-Andjeleste ótetin 2028 jylǵy Olımpıada oıyndarynyń kestesi resmı Olımpıada saıtynda jarııa etildi, dep jazady Kabar.

Alǵashqy irikteý jarystary 12 shildede bastalady. Osy kúni alańǵa shyqqan sportshylar hokkeı (dala hokkeıi), regbı-7, basketbol, sý dobynan, gandbol, krıket jáne fýtboldan kezdesýler ótkizedi.

Alǵashqy medaldar 15 shildede trıatlon boıynsha sarapqa salynady. Sol kúni semserlesý, dzıýdo, jeńil atletıka, regbı-7 jáne nysana kózdeýden jarystar ótedi.

Olımpıadanyń sońǵy jarys kúni – 30 shilde. Bul kúni boks, kúres, marafon (jeńil atletıka), velosport, júzý, basketbol jáne voleıboldan medaldar sarapqa salynady.

Olımpıada oıyndarynyń ashylý saltanaty 15 shilde kúni túnde, al jabylý saltanaty 31 shildege qaraǵan túni ótedi.

Buǵan deıin habarlanǵandaı, endigi jyly Astanada phygital formatyndaǵy «Bolashaq oıyndary – 2026» mýltısporttyq týrnıri ótedi. Halyqaralyq básekege 100-den astam elden 1,5 myńǵa jýyq sportshy qatysady dep josparlanǵan.