12:00, 25 Shilde 2022 | GMT +6
Los-Andjeles saıabaǵynda atys bolyp, eki adam qaza tapty
VAShINGTON. QazAqparat - Jeksenbi kúni Los-Andjelestiń San-Pedro aýdanyndaǵy Pek saıabaǵynda atys bolyp, eki adam qaza tapty, taǵy bes adam jaralandy, dep habarlaıdy QazAqparat CBS News arnasyna silteme jasap.
Qaza tapqandardyń biriniń jasy 23-te, ekinshisi 53-te. Bireýiniń jaǵdaıy aýyr.
Oqıǵa jergilikti ýaqyt boıynsha 16:00-de 500-ge jýyq adam jınalǵan avtokólik kórmesi ótip jatqan saıabaqta boldy.
Polıtsııanyń málimetinshe, atys saıabaqtaǵy beısbol alańdarynyń janynda eki top adam arasyndaǵy janjal saldarynan týyndaǵan.
Oq jaýdyrǵandar birneshe adam bolýy múmkin degen boljam bar. Oqıǵa ornynan birneshe qarý tabyldy. Ustalǵandar joq, tergeý jalǵasýda.
