Los-Andjeles 2028 jylǵy Olımpıadany qabyldaıdy -BAQ
ASTANA. QazAqparat - Los Angeles Times basylymy qala ókilderiniń Halyqaralyq Olımpıada komıtetimen 2028 jylǵy Olımpıada oıyndaryn qabyldaý jóninde kelisimge kelgendigin habarlady, dep jazady BELTA.
Jazǵy Olımpıada oıyndary «perishteler elinde» osymen úshinshi ret ótkizilýi múmkin. Osyǵan deıin óz kandıdatýralaryn Rım, Býdapesht jáne Gambýrg sııaqty qalalar alyp tastady.
Olar 2024 jylǵy oıyndardy qabyldaýdan bas tartty. Sondyqtan da básekege túsken qalalardyń arasynda Parıj ben Los-Andjeles qana qalǵan bolatyn. Shilde aıynda bul eki qala da sporttyq sharany ótkizýge daıyn dep tanyldy. Olar ózara kelise otyryp, 2024 jyly oıyndardy Parıjde, 4 jyldan soń AQSh-ta ótkizý jóninde sheshim qabyldaǵan.
