Lord Koý: Reseı Brazılııadaǵy Olımpıadaǵa qatyspaýy múmkin
ASTANA. QazAqparat - Halyqaralyq jeńil atletıka federatsııalary qaýymdastyǵynyń (IAAF) prezıdenti lord Koý eger Reseı Rıo-de-Janeırodaǵy Olımpıada oıyndarynyń bastalýyna deıin jattyǵýlar tájirıbesin jáne qaýymdastyq erejelerine sáıkes dopıng tekserisinen ótpese, onda reseılik sportshylar jarysqa qatysa almaıtynyn málimdedi, dep habarlady Bı-bı-sı.
Today baǵdarlamasyna bergen suhbatynda lord Koý: Reseı sportshylar «qysymnan qorǵalǵan jáne qaýipsiz» jaǵdaıda jattyǵa alatynyn jáne óner kórsete alatynyn dáleldeýi tıis, Máskeý bul isti Olımpıada bastalǵanǵa deıin jasap úlgeretini ne úlgermeıtini ózderine baılanysty, - dedi.
"Ózgerister oryn almasa, onda dopıng qabyldamaǵandar da oıyndarǵa qatysa almaıdy", - dedi Koý.
Qarashada IAAF keńesi Reseıdiń jarystarǵa qatysýyna ýaqytsha tyıym salǵan.
Halyqaralyq dopıngke qarsy agenttik komıssııasy (WADA) sportshylardyń dopıng qabyldaýymen baılanysty ereje buzýshylyqtar saldarynan Búkilreseılik jeńil atletıka federatsııasynyń qyzmetin ýaqytsha toqtatýdy usyndy.
IAAF-tyń bul sheshimi jeńil atletıka boıynsha Reseı quramasynyń Rıo-de-Janeırodaǵy Olımpıada oıyndaryna qatysýyna jol bermeıdi.
