Loran Fabıýs Frantsııanyń SІM basshysy qyzmetinen ketetinin rastady
ASTANA. QazAqparat - Loran Fabıýs Frantsııanyń SІM basshysy qyzmetinen ketedi. Bul týraly ol jýrnalısterge Elıseı saraıyndaǵy Mınıstrler keńesiniń otyrysynan keıin habarlady.
"Bul men qatysqan mınıstrler keńesiniń sońǵy otyrysy boldy", - dedi ol.
Osyǵan deıin BFM-TV telearnasyna bergen suhbatynda Loran Fabıýs: "SІM - men úshin jaqsy mınıstrlik boldy. Frantsııa jasalǵan sharýalaryn maqtan tuta alady. Sonyń ishinde klımattyń ózgerýi máseleleri boıynsha BUU Konferentsııasyn ótkizý arqyly biz álem úshin biraz paıdaly is tyndyrdyq".
Frantsııa Prezıdenti Fransýa Olland Fabıýs kandıdatýrasyn Konstıtýtsııalyq keńes tóraǵasynyń laýazymyna usyndy.
