Lora Býsh memýaryn aıaqtady
ASTANA. Naýryzdyń 2-si. QazAqparat - AQSh-tyń burynǵy birinshi hanymy Lora Býsh óz memýaryn aıaqtady,
dep habarlady Assoshıeıted Press agenttigi.
Keshe Lora Býshtyń kitabynyń muqabasy jýrnalısterge tanystyryldy. Amerıkanyń kitap dúkenderinde bul týyndy mamyrdyń 4-inen keıin paıda bolmaq.
Lora Býsh óz shyǵarmasynda Aq úıde ótken segiz jylyndaǵy estelikterimen bólispek. Djordj Býshtyń ózi de kitap jazyp jatyr. Onyń kitaby 2010 jyldyń kúzine qaraı basylyp shyqpaqshy. Erli-zaıypty Býshtardyń óz memýarlaryna alatyn qalamaqysy jarııalanbaı otyr.
Alaıda AQSh-tyń burynǵy prezıdentteriniń, olardyń áıelderiniń jáne joǵary laýazymdy saıasatkerlerdiń kitaptary oqyrmandar arasynda úlken suranys týǵyzyp, bestsellerge aınalyp júr.
