Long-Aılendte orman órtendi

Senbi kúni Nıý-Iork shtatyna qarasty Long-Aılend aralynda orman órti tutanyp, shtat gýbernatory Ketı Hokýl tabıǵı apatqa baılanysty tótenshe jaǵdaı jarııalady, dep habarlaıdy TAAS.

Associated Press-tiń málimetinshe órt sóndirý qyzmetteri tórt órt oshaǵyn tirkedi, olardyń úsheýi tolyq sóndirilgenimen, Ýesthempton aýdanyndaǵy jalyn áli de tolyq baqylaýǵa alynbaǵan.

Órtti sóndirýdi qatty jel qıyndatyp, bul jalynnyń baqylaýsyz taralýyna sebep bolyp otyr.

Qazirgi tańda órttiń jalpy aýmaǵy týraly naqty derek joq, alaıda oshaqtardyń biri Sunrise Highway tas joly mańynda úsh shaqyrymǵa deıin sozylǵan. Polıtsııa órtke jaqyn ornalasqan jol bóligin japty.

Jergilikti News 12 telearnasynyń málimetinshe, órt eki ǵımaratty joıyp jibergen. Sondaı-aq, bir órt sóndirýshi ekinshi dárejeli kúıik alyp, aýrýhanaǵa jatqyzyldy.

Aıta ketelik AQSh-ta orman órtine baılanysty tótenshe jaǵdaı jarııalanǵan edi.