Londonnyń tórt turǵyny lańkestik jasaýǵa árekettengeni úshin aıyptaldy

ASTANA. QazAqparat - London polıtsııasy Ulybrıtanııa aımaǵynda lańkestik jasaýǵa áreket etken tórt jigitke aıyp taǵylǵandyǵyn málimdedi, dep habarlaıdy Reuters agentigi.

Shyǵys London turǵyndary ótken aptada 22 mamyr kúngi Manchesterdegi jarylys bolmaı turyp tutqynǵa alynǵan edi.

24 jasar Ýmar Ahmed Hak 25 naýryz ben 18 mamyr aralyǵynda júzege asyrýǵa tıis bolǵan lańkestik áreketke daıyndyq jasaǵandyǵy úshin aıyptaldy. Tekserý amaldarynyń nátıjesi boıynsha, oǵan 25 jasar Nadım Ilıas Patel qarý-jaraq jetkizýge tıis bolǵan.

Bul iske taǵy eki adam - 27 jasar Muhammad Abıd pen 18 jastaǵy Abýtaher Mamýn qatysty bolyp shyqty. Abıd polıtsııa qyzmetkerlerinen Hakty ustaýǵa kómektesýi múmkin bolǵan aqparatty jasyrǵan, al Mamýn terrorlyq aktini júzege asyrýǵa kómektespekshi bolǵan nıeti úshin aıyptalyp otyr.

26 mamyr kúni olardyń isi Vestmınster magıstrat sotynda qaralady.

22 mamyr kúngi «Manchester Arena» alańyndaǵy jarylys saldarynan 22 adam qaza taýyp, 120-ǵa jýyq adam zardap shekti, olardyń 59-y aýrýhanalarǵa jetkizildi. Reseıde tyıym salynǵan «Islam memleketi» toby jarylys jaýapkershiligin moıyndaryna alyp, lańkestik áreketti «musylman jerine» jasalǵan shabýyl úshin kek dep atady.