Londonnyń ońtústiginde terakt boldy
LONDON. BBC.COM - QazAqparat – Londonnyń ońtústiginde kóshede ketip bara jatqan adamdarǵa pyshaqpen shabýyldaǵan er adamdy polıtsııa qyzmetkerleri atyp tastady, dep habarlaıdy QazAqparat bbc.com saıtyna silteme jasap.
Saıtta jarııalanǵan málimetterge qaraǵanda, shabýyldaýshynyń qolynan eki adam zardep shekken, alaıda qazir olardyń densaýlyq jaǵdaıy týraly málimet joq.
London polıtsııasy bul oqıǵany terakt dep baǵalap otyr.
«Stretem aýdanynda er adamdy qarýly polıtsııa qyzmetkerleri atyp tastady. Biz osy ýaqytta birneshe adam pyshaqtan jaraqat aldy degen baılam jasap otyrmyz. Oqıǵanyń mán-jaıy anyqtalyp jatyr. Oqıǵa terrorıstik akt dep baǵalandy»,-delingen polıtsııanyń Twitter-degi málimdemesinde.
Kýágerler áleýmettik jelide úsh ret oq atylǵanyn jazǵan. Zardap shekkenderge medıtsınalyq kómek kórsetilip jatyr. Oqıǵa bolǵan mańaıda turatyn Bı-bı-sı tilshisi Stefan Paýell onda polıtsııa qyzmetkerleriniń júrgenin, jergilikti turǵyndarǵa úılerinen shyqpaý eskertilgenin aıtqan. Sondaı-aq dúkender men dámhanalarǵa kelgen adamdardy da shyǵarmaı jatyr.
