Londonnyń meri bolyp musylman Sadyq Han saılandy
ASTANA. QazAqparat - Londonnyń meri bolyp leıborıst Sadyq Han saılandy, ol tarıhqa bul qyzmettegi alǵashqy musylman retinde kiredi.
Jańa qala basshysynyń esimi senbige qaraǵan túni londondyq ratýshadaǵy arnaıy rásim kezinde ataldy, dep jazady RIA Novostı.
Qorytyndy nátıjelerge sáıkes, Han 44 paıyz daýys aldy, al onyń basty básekelesi, arıstokrat jáne mýltımıllıoner Zak Goldsmıt 35 paıyz daýysqa ıe boldy.
Han bul qyzmette burynǵy mer, konservator, qazirgi kezde parlament depýtaty jáne Devıd Kemeronnan keıin premer-mınıstr qyzmetine áleýetti kandıdattardyń biri bolyp qalyp otyrǵan Borıs Djonsonnyń ornyna keldi.
Djonson juma kúni Sıtı-holldan sońǵy «tvıtterin» jarııalady.
«Sıtı-holldan ketetin ýaqyt boldy. Sizderdiń merińiz bolý men úshin úlken qurmet edi», - dep jazdy Djonson.
