Londonnyń qaq ortasynan Shyńǵys han eskertkishi ashyldy

Eskertkishtiń avtory - ózin Shyńǵyshannyń urpaǵy sanap júrgen, ıakýt sáýletshisi Dasha Namdakov. Bul týraly «Aıqyn» gazeti jazdy.

Shyńǵyshannyń eskertkishin ashý - sáýletshi Dasha Namdakovtyń «London - 2012 olımpıadasy qar­sańynda osynda ashylǵan «Kóshpendiniń kerýeni» atty kórmesi aıasynda múmkin boldy. Bul kórmege ıakýt sáýletshisiniń 50-den astam týyn­dylary qoıylǵan. Al Shyń­ǵyshannyń eskertkishi osy kórmeniń betashar týyndysy retinde aıqyn­dalyp otyr. Eskertkish Italııanyń soltústigindegi sheberhanalardyń birinde joǵary sapaly qoladan quıyl­ǵan. Sáýletshi Dasha Nam­da­kovtyń pikirinshe, eger ol osydan eki jyl buryn ony Býkıngem saraıynda Koroldiń áıeli - Edınbýrg gertsogymen kezdespegende onyń aldynan mundaı múmkindik ashylmas edi. Sol joly Dashanyń qolynan shyq­qan alýan túrli eskertkish músin jo­balary óziniń qaıtalanbas erek­sheligimen aǵylshyndardy qaıran qaldyrypty. Sóıtip, jergilikti bas­shylyq ıakýt sáýletshisine Shyń­ǵyshan­nyń eskertkishin jasaýdy usynypty.
O, basta ústine sol dáýirdegi saýyt-saımandardy kıgen Shyń­ǵyshannyń nókerleri jappaı at ústinde beıne bir aspannan jerge túsip kele jatqandaı qalypta beı­nelenýi tıis bolǵan kórinedi. Alaıda London qalasynyń basshylyǵy mundaı músinge nelikten ekeni bel­gisiz ruqsat bermepti. Sóıtip, sáý­letshi jergilikti basshylyqtyń usy­­nys-pikirlerin eskerip, Shyń­ǵys­handy ózge qyrynan beınelepti.