Londonnyń Ekonomıka jáne saıası ǵylymdar mektebinde qazaqstandyq stýdentter Elbasynyń Joldaýyn talqylady

dep habarlaıdy QazAqparat.

Kezdesýdi Ulybrıtanııada oqyp jatqan qazaqstandyq jastardy biriktirip otyrǵan KazSociety Qoǵamy men QR Prezıdentiniń «Bolashaq» halyqaralyq baǵdarlamasynyń stıpendıattary uıymdastyrdy.

Kezdesýge qatysqandarQR Prezıdenti Nursultan Nazarbaevtyń el halqyna ústimizdegi jyly arnaǵan Joldaýymentanysyp,onyń iske asý joldary men mehanızmderi týrasynda pikirtalastyrdy.

Іs-shara moderatory, London Ýnıversıtettik kolledjiniń magıstranty, Zeınolla Qalymbetovtyń aıtýynsha, stýdentter óz Otanynyń bolashaǵy úshin jaýapkershilikti tereń sezinetinin jáne Prezıdent Joldaýynda qoıylǵan mindetterdi sheshýge óz úlesterin qosýǵa daıyn ekendigin anyq ańǵartty.

Kezdesý nátıjesinde qatysýshylar aldaǵy onjyldyqta Qazaqstannyń ekonomıkalyq damýyna baǵyttalǵan strategııalyq mindetterdi iske asyrý boıynsha óz usynystaryn jınaqtap, «Bolashaq» qaýymdastyǵynyń Saraptamalyq keńesine joldady.

Shara sheńberinde, sondaı-aq elimizdiń turaqty damýyn qamtamasyz etý maqsatynda qazaqstandyq jastardyń zııatkerlik áleýeti men tájirıbesin biriktirýge baǵyttalǵan - «Bolashaq» túlekteri qaýymdastyǵynyń qyzmeti tanystyryldy. «Bolashaq» qaýymdastyǵy osyndaı nátıjeli kezdesýlerdi alda da uıymdastyryp turmaq. Kelesi pikirtalas Qazaqstannyń Kedendik odaqqa qatysýy jáne jahandyq yqpaldasý máselelerine arnalady.