Londonnyń Saýtholl qalasyndaǵy qoımadan órt shyqty
ASTANA. KAZINFORM — Londonnyń batysyndaǵy Saýtholl qalasyndaǵy qoımadan órt shyqty. Ǵımarat ishinde otshashýlar men gaz ballondary bolýy múmkin. Bul týraly ANEWZ agenttigi jazdy.
Eki qabatty qoımadaǵy tilsiz jaý seısenbi kúni tańda bastalyp, birneshe saǵatqa deıin jalǵasty. Kýágerler qoıý tútin áli de búkil aýmaq taralyp jatqanyn aıtty.
Ǵımarattyń shamamen úshten ekisi otqa oranyp, tóbesi opyrylyp túsken.
Saýtholl, Heston, Ilıng qalalaryndaǵy 150-ge jýyq órt sóndirýshi qyzyl jalynmen túnge deıin kúresti. London órt sóndirý brıgadasy komıssarynyń kómekshisi Pet Gýlborn qutqarýshylar jarylys qaýpine baılanysty ýaqytsha qaýipsiz qashyqtyqqa ketkenin, biraq órtti baqylaýǵa alý úshin alystan qutqarý jumysy jalǵasqanyn aıtty. Ol oqıǵa ornynda birneshe jarylys bolǵanyn, osyǵan baılanysty alǵashqy medıtsınalyq kómek kórsetilgennen keıin qosymsha resýrs suraýǵa májbúr bolǵanyn habarlady.
— Keıingi órt sóndirý jumystary jarylys qaýpine baılanysty jáne ekıpajdyń qaýipsizdigin qamtamasyz etý úshin qashyqtan júrgizildi. Órt sóndirýshiler oqıǵa ornynda túnge deıin qalady, — dedi Gýlborn.
Saqtyq sharasy retinde jaqyn mańdaǵy úsh mekteptiń oqýshylary men turǵyn úı kvartalyndaǵy halyq evakýatsııalandy. Turǵyndarǵa órt kezinde paıda bolatyn tútinniń kóp bolýyna baılanysty esikter men terezelerdi jabyq ustaýǵa keńes berildi.
Brıgada bul oqys oqıǵany «uzaqqa sozylǵan jaǵdaı» dep sıpattady. Sondaı-aq órtti tolyqtaı sóndirý úshin jumystar jalǵasatynyn jetkizdi.
Oqys oqıǵadan zardap shekkender joq, órttiń sebebi anyqtaldy. Qutqarýshylar ǵımarattyń ishinde otshashýlar men gaz ballondary bolýyna baılanysty órt áli de jalǵasyp jatqanyn aıtty.
Eske salaıyq, Túrkistan qalasyndaǵy munaı bazasynan órt shyqty.