Londonǵa ushqan Air Astana reısi Frankfýrtta qaldy: jolaýshylarǵa ne bolady
ASTANA. KAZINFORM — Almaty – London baǵyty boıynsha KC663 reısin oryndap jatqan Airbus A321 áýe kemesiniń Frankfýrt áýejaıyna qaýipsiz túrde qonǵanyn habarlaıdy. Bul týraly Air Astana kompanııasy habarlady.
Áýe kemesiniń bortynda 138 jolaýshy boldy. Ókinishke qaraı, London Hıtroý áýejaıy túnniń sońyna deıin jabyq kúıinde qalady, osyǵan baılanysty Air Astana ári qaraıǵy ushýdy toqtatýǵa májbúr.
— KC663 reısiniń ushýy kelesi kúnniń tańyna saǵat 09:25-ke (UTC) shegerildi. Barlyq jolaýshylardyń ishinde 67 adamnyń jaramdy Shengen vızasy joq, sondyqtan olar Frankfýrt áýejaıynyń tranzıttik aımaǵynda qalýǵa mindetti, — delingen habarlamada.
Kompanııanyń dereginshe, barlyq jolaýshylarǵa kútý ýaqytynda tamaq pen salqyn sýsyndarmen qamtamasyz etilýi úshin áýejaıda tamaqtanýǵa arnalǵan vaýcherler berilgen. Áýekompanııanyń jerústi qyzmetteri men ókilderi qalaǵa shyǵýǵa quqyǵy bar jolaýshylardy qonaqúımen qamtamasyz etý, sondaı-aq kútpegen kidiris jaǵdaıynda qajetti tamaqpen, sýsyndarmen jáne qoldaý kórsetý úshin táýlik boıy jumys istep tur.
Air Astana jolaýshylar men ekıpajdyń qaýipsizdigi men jaılylyǵy árqashan basty basymdyq bolyp qala beretinin atap ótti.
Eske sala kereıik, Air Astana áýe kompanııasy Dýbaı baǵyty boıynsha reısterdi ýaqytsha toqtatý týraly sheshim qabyldady.
