Londonǵa Kaddafıdiń qupııa elshisi keldi - The Guardian
ASTANA. 1 sáýir. QazAqpaat - Ulybrıtanııa úkimetimen qupııa kelissóz júrgizý úshin Londonǵa Mýammar Kaddafıdiń arnaıy elshisi keldi.
Bul týraly óz derek kózderine silteme jasap The Guardian gazeti jazyp otyr.
Basylymnyń deregi boıynsha, Kaddafıdiń uly Saıf ál-Islamnyń jaqyn serikteriniń biri Londonǵa osydan birneshe kún buryn kelgen.
Ulybrıtanııanyń syrtqy saıasat vedomsvosyndaǵy derek kózdiń habarlaýynsha, London lıvııalyq elshige Kaddafıdiń bılik basynan ketýi týraly shart qoıǵan.
Al sársenbi kúni Lıvııanyń burynǵy syrtqy ister mınıstri Musa Kýsanyń Londonǵa qashyp kelip, saıası baspana suraǵanyn buǵan deıin habarlaǵan bolatynbyz.
VVS telekompanııasy buǵan deıin Trıpolı ókili Lıvııa syrtqy saıasat vedomstvosyn 2 jyl basqarǵan Musa Kýsanyń shetelge dıplomatııalyq mıssııamen attanǵanyn habarlaǵan edi.
"Biraq Kýsa myrza óz laýazymynan ketetinin brıtan ókimetine málim etti", - dep habarlady Brıtanııanyń Syrtqy ister mınıstrliginen.
Kýsa sársenbi kúni Anglııanyń ońtústigindegi Farnboro áýejaıyna Týnısten kelip qonǵan. Lıvııa mınıstrimen brıtan arnaıy qyzmetteriniń ókilderi uzaq ýaqyt boıy sóılesip, onyń nıetiniń shynaıylyǵyna kóz jetkizgen. «Biz Kaddafıdiń tóńiregindegilerdi de osylaı etýge shaqyramyz», - delingen brıtandyq vedomstvosynyń málimdemesinde.
