Londondyqtarǵa dybystan birneshe ese jyldam avtomobıl kórsetildi
ASTANA. QazAqparat - London turǵyndaryna qurǵaqta rekord ornatýǵa daıyndap jatqan dybystan da birneshe ese jyldam Bloodhound SSC avtomobıli kórsetildi.
Brıtandyq úkimettiń qoldaýymen ázirge qurastyrylý ústindegi mashınany 2017 jyly synaqtan ótkizbek. Ol saǵatyna 1609 shaqyrymdy artqa tastaıdy dep kútilýde.
Bloodhound SSC-tiń qoraby arnaıy ashylyp, jurtshylyqqa kúshi 135 attyń kúshin quraıtyn agregaty kórsetildi. Onyń quramyna reaktıvti jáne gıbrıdti zymyrandyq qozǵaltqysh kiredi.
Avtomobıldiń uzyndyǵy 13,5 metr. Reaktıvti Rolls-Royce EJ200 qozǵaltqyshy Eurofighter Typhoon joıǵysh ushaqtan alynǵan. Bloodhound SSC saǵatyna 1046 shaqyrymdy kórsetkende zymyrandyq gıbrıtti kúsh qondyrǵysy qosylady. Aldyn ala esepke qaraǵanda, saǵatyna 1609 shaqyrymdyq jyldamdyqqa jetken kezde zymyrandyq gıbrıdti kush qondyrǵysy jumys istemek. Esep boıynsha, 1609 shaqyrym nebári 55 sekýntta artta qalýy tıis. Al báseńdetý aerodınamıkalyq tejegish jáne parashıýttiń kómegimen atqarylady.
Qurǵaqtaǵy Bloodhound SSC-tiń alǵashqy synaǵy Ulybrıtanııada 2016 jylǵy naýryzda ótedi. Onda 19 shaqyrymdyq trekte mashına saǵatyna 322 shaqyrymǵa júıtkıtin bolady. Ekinshi test tamyzdy ońtústikafrıkalyq shólde ótkiziledi. Osy joly Bloodhound buǵan deıin reaktıvti Thrust SSC avtomobıli jasaǵan rekordty (saǵatyna 1228 shaqyrym) jańartady dep kútilip otyr.
Eń sońynda, 2017 jyly úshinshi jarys ótedi. Onda mashına saǵatyna 1609 shaqyrymdy baǵyndyrýy tıis.
