Londondyq emhana Internetke táýeldi balalardy emdeýdi qolǵa aldy
ASTANA. Naýryzdyń 19-y. QazAqparat - Londondaǵy "Kepıo Naıtıngel" medıtsınalyq ortalyǵy Internetke táýeldilikteri densaýlyqtaryna qaýip tóndire bastaǵan 12 jastan joǵary balalardy emdeýdi qolǵa alyp otyr,
Bul týraly brıtandyq "Ivnıng ctandard" basylymy jazdy.
Basylym málimetteri boıynsha ortalyqqa, «kompıýter óshir dese, «jandary shyǵatyn» balalardyń ata-analarynan qazirdiń ózinde kóp ótinishter túsip otyr. Ata-analar, keı jaǵdaılarda balalaryn «sabalaryna túsirý úshin» polıtsııa shaqyrýǵa májbúr bolatyndaryn aıtýda.
Orta mektep oqýshylarynyń arasynda júrgizilgen saýalnamaǵa sáıkes, balalardyń shırek bóligi kompıýterdiń aldynda kúnine 6 saǵattaı ýaqyt ótkizedi eken, sonyń saldarynan olardyń keıbireýleri ashýshańdyqtan, uıqynyń buzylýynan jáne depressııadan zardap shegedi.
Bul aýrýhanadaǵy emniń baǵyty - balalardyń áleýmettik qarym-qatynas daǵdylaryn arttyrýǵa baǵyttalady, deıdi mamandar. Oǵan qosa, munda ata-analarǵa arnalǵan da arnaıy trenıngter bar.
