Londondyq ekonomıka jáne saıası ǵylymdar mektebinde qazaqstandyq stýdentterdiń kezdesýi boldy
ASTANA. Naýryzdyń 19-y. QazAqparat - Ulybrıtanııanyń jetekshi oqý oryndarynyń biri - London ekonomıka jáne saıası ǵylymdar mektebinde qazaqstandyq stýdentterdiń kezdesýi ótti, ony Ulybrıtanııada oqyp jatqan qazaqstandyq stýdentterdi biriktiretin qoǵamnyń belsendileri jáne «Bolashaq» baǵdarlamasynyń stıpendıattary uıymdastyrdy,
dep habarlady «Bolashaq» aqaparattyq-saraptamalyq portaly.
Kezdesýge qatysýshylar Elbasy Nursultan Nazarbaevtyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Qazaqstan halqyna Joldaýymen tanysty jáne saıası pikisaıys túrinde ótken basqosýda ony júzege asyrýdyń joldary men yqtymal tetikterin talqylady.
Basqosýdyń moderatory - London ýnıversıteti kolledjiniń magıstranty Zeınolla Qalymbetovtiń aıtýynsha, stýdentter Otannyń bolashaǵy úshin ózderiniń jaýapkershiligin sezine otyryp, Elbasy Joldaýynda alǵa qoıylǵan mindetterdi oryndaýǵa úles qosý úshin ózderiniń ázir ekendikterin bildirdi.
Kezdesýdiń qorytyndysy boıynsha oǵan qatysýshylar Qazaqstannyń ekonomıkalq damýynyń strategııalyq mindetterin júzege asyrý jóninde usynystar toptamasyn ázirlep, «Bolashaq» qaýymdastyǵynyń saraptamalyq keńesine joldady.
Osy shara barysynda sondaı-aq «Bolashaq» qaýymdastyǵynyń, eldiń ornyqty damýyn qmtamasyz etý úshin qazaqstandyq jastardyń ıntellektýaldyq áleýeti men tájirıbesin, kúsh-jigerin biriktirýge baǵyttalǵan Qaýmdastyqtyń qoǵamdyq jumysy qyzmeti tanystyryldy.
