Londondyq «Arsenaldyń» ıesi klýbty satýdan bas tartty
ASTANA. QazAqparat - Amerıkalyq bıznesmen Sten Kronke Alısher Ýsmanovtyń londondyq «Arsenal» fýtbol klýby aktsııalarynyń baqylaý paketin satý jónindegi usynysynan bas tartty.
Mirror basylymynyń málimetine súıensek, Kronke klýbtaǵy ózine tıesili 67,05% aktsııasyn satýǵa nıetti emes.
Sondaı-aq, usynys quny arttyrylǵan jaǵdaıda da kelisim jasalmaıtyndyǵy aıtylyp otyr.
Buǵan deıin reseılik bıznesmen Alısher Ýsmanovtyń Kronkege «Arsenaldaǵy» aktsııasyn 1,3 mlrd eýroǵa satý jóninde usynys jasaǵandyǵy habarlanǵan bolatyn.
