Londondyq tanymal rejısser Pavlodar teatrynyń akterlerimen premera daıyndap jatyr
PAVLODAR. KAZINFORM - J.Aımaýytov atyndaǵy Pavlodar oblystyq qazaq mýzyka-drama teatryna Azııa jáne Eýropa elderindegi teatr ujymdarynyń táýelsiz rejısseri Ovlıakýlı Hodjakýlı keldi.
Bıylǵy maýsymda tanymal mamannyń atsalysýymen pavlodarlyq sahnada jańa premera usynylady.
Ovlıakýlı Hodjakýlı 1959 jyly Túrikmenstanda dúnıege kelgen. Ortalyq Azııa jáne Eýropa elderine tanymal rejısser. Ol Georgıı Tovstonogov jáne Mıhaıl Týmanıshvılıdiń shyǵarmashylyq zerthanalarynda tájirıbeden ótken, sondaı-aq aǵylshyn rejısseri Pıter Brýktyń sheberlik saǵattaryna qatysqan. Qazirgi ýaqytta London qalasynda turady. Onyń rejısserligimen 90-nan astam qoıylymdar, kontsertter men fılmder túsirilgen. Túrkııa, Horvatııa, Rýmynııa, Polsha, Germanııa, Fınlıandııa, Italııa, Shveıtsarııa, Frantsııa, Úndistan, Japonııa, Ońtústik Koreıa, Reseı, Ulybrıtanııa elderinde ótken halyqaralyq teatr festıvalderine qatysyp, marapattarǵa ıe bolǵan.
Qazirgi ýaqytta maman Ortalyq Azııa jáne Eýropa elderiniń túrli teatr ujymdarynda táýelsiz rejısser retinde eńbek etip keledi.
Kásibı maman Aımaýytov teatrynda daıyndyq jumystaryn bastap ketti. 36-shy maýsymda teatrymyzda Bertold Brehttiń mektebi boıynsha jańa premera qoıylady dep kútilip otyr.
Eske sala keteıik, Pavlodarda qazaq teatry respýblıkalyq synshylar júldesine ıe boldy.