Londondaǵy terakti saldarynan eki adam ajal qushty
ASTANA. QazAqparat - Londondaǵy terakti saldarynan kem degende eki adam ajal qushty, dep habarlaıdy TASS agenttigi.
Buǵan deıin Press Association jergilikti aýrýhananyń dárigerine silteme jasap, lańkestik saldarynan bir áıel qaza bolǵanyn habarlaǵan bolatyn.
Taǵy bir áıel Vestmınster kópirinde kóz jumdy. Avtokólik kópir ústinde jaıaý júrginshilerdi janshyp ótken bolatyn. Dárigerlerdiń aıtýynsha, keıbir zardap shegýshilerdiń jaǵdaıy - asa aýyr. Oqıǵa ornynda saperlar jumys isteýde. Adamdardy basqan kólik ishinde jarylǵysh qurylǵy bolýy múmkindigi joqqa shyǵarylmaıdy, dep habarlady Sky News telearnasy polıtsııadaǵy derekkózge silteme jasap.
Osy kúni sondaı-aq brıtandyq parlament ǵımaratynyń mańynda adamdarǵa qarsy oq atyldy. Zardap shekkender bar.
Polıtsııa bolǵan oqıǵalardy terakti dep baǵalaýda.
Osy ýaqytta QR Syrtqy ister mınıstrligi lańkestik aktiler saldarynan zardap shekkenderdiń arasynda qazaqstandyqtardyń bar-joǵyn anyqtaýda.
"Londondaǵy qazaqstandyq dıplomattar jergilikti polıtsııamen udaıy baılanysta. Olar brıtandyq astana ortalyǵynda bolǵan keleńsiz jaǵdaıdan zardap shekken Qazaqstan azamattarynyń bar-joǵyn anyqtaýda", - dep habarlady «QazAqparatqa» QR SІM baspasóz qyzmetiniń jetekshisi Ánýar Jaınaqov.
Foto: © AP Photo/Matt Dunham
