Londondaǵy terakt: Jetinshi kúdikti qolǵa tústi
ASTANA. QazAqparat - Brıtandyq polıtseıler London kópirindegi lańkestik áreketterdi tekserý barysynda bir apta buryn bolǵan terrorlyq áreketke kúdikti jetinshi azamatty ustady, delingen Skotland-ıArd málimdemesinde.
Habarlamada aıtylǵandaı, 19 jastaǵy jigit senbi kúni keshkisin Londonnyń shyǵysynda qolǵa túsip, oǵan London kópirindegi «lańkestik árekettiń uıymdastyrylýyna jáne júzege asyrylýyna qatysy bar» degen aıyp taǵylyp otyr.
Qazirgi ýaqytta taǵy alty azamat qamaýǵa alyndy.
Úshinshi maýsym kúni avtomobıl London kópirindegi bir top adam soǵyp-janshyp, artynsha kólikten shyqqan qarýly úsh terrorıst adamdarǵa shabýyl jasaǵan.
Aıta keteıik, segiz adam osy lańkestik árekettiń qurbany bolǵan.
