Londondaǵy terakt kezinde 5 adam mert boldy

ASTANA. QazAqparat - Londonda bolǵan terakt kezinde mert bolǵandar sany 5 adamǵa jetti, taǵy 40 adam jaraqat alǵan, dep habarlady Skotlan-ıArdyń terrorızmge qarsy kúres bólimshesiniń basshysy Mark Roýlı. Bul týraly Rıa Novostı agenttigi habarlady.

Osyǵan deıin teraktiniń saldarynan 4 adam mert bolyp, keminde 20 adam jaraqattanǵany habarlanǵan bolatyn.

«Jaraqat alǵandardyń sany 40 adamǵa jetip otyr, olardyń keıbiriniń jaǵdaıy aýyr. Dıplomatııalyq ókildikterdi qorǵaýshy polıtsııa qyzmetkeri Kıt Palmerdi qosa alǵanda 5 adam mert boldy»,-dedi Roýlı.

Terakt týrıster úshin eń tanymal aımaqtardyń birinde boldy. Vestmınster kópirinen ótip bara jatqan kólik trotýarǵa shyǵyp ketip, birneshe adamdy qaǵyp, Parlament ǵımaratyna jetken kezde júrgizýshini polıtsııa toqtaty. Ol polıtsııa qyzmetkerin pyshaqpen jaraqattap, tártip saqshysy alǵan jaraqatynan qaıtys boldy. Terrorıst bolýy múmkin degen kúdiktini taǵy bir polıtsııa qyzmetkeri atyp tastady.