Londondaǵy sımfonııalyq orkestr Erkesh Shákeevtiń týyndylaryn oryndady
ASTANA. QazAqparat - London qalasyndaǵy St. Luke's soborynda tanymal qazaqstandyq kompozıtor Erkesh Shákeev týyndylarynyń álemdik premerasy ótti.
Olardy aty ańyzǵa aınalǵan London sımfonııalyq orkestri men as0an sheber skrıpkashy Marat Bısenǵalıev oryndady. Bul týraly Instagram áleýmettik jelisindegi paraqshasynda kontsertti tamashalaǵan ánshi Batyrhan Shúkenov habarlady.
«Keshe Marat Bısenǵalıevtiń qatysýymen London sımfonııalyq orkestriniń kontserti ótip, onda dosym Erkesh Shákeevtiń týyndylary oryndaldy. Otandastarymmen jáne dostarymmen birge men bizdiń Erkeshimizdiń shyǵarmashylyq ómirindegi jańa kezeńniń bastalýyna kýá bolǵanyma qýanyp, baqytty boldym», - dep jazdy ánshi.
Mýzykalyq oqıǵanyń baǵdarlamasynda M.Bısenǵalıevpen birlesip jasalǵan joba bolǵan «Inception» albomynyń tusaýkeseri ótti. Jańa albomnyń quramynda 12 kompozıtsııa bar.
Kompozıtordyń buǵan deıin habarlaýynsha, albom 2014 jyldyń mamyr-shilde aralyǵynda Brıtanııanyń Abbey Road jáne Air Studios sııaqty úzdik stýdııalarynda, sondaı-aq Karl Djenkınstiń stýdııasynda jazyldy, jazbany júzege asyrýǵa kompanııanyń jetekshisi, álemdik prodıýserlerdiń biri Aleksandr Van Ingen jetekshilik etti.
Avtordyń aıtýynsha, atalǵan albomdy jazý kezeńi onyń ómirindegi eń baqytty shaqtarynyń biri boldy.
Kontserttiń kompozıtordyń saıtynda onlaın-rejımde kórsetilgenin atap ótken jón.
