Londondaǵy shirkeý janynda turǵyndarǵa oq atty dep kúdik keltirilgen adam qamaýǵa alyndy
LONDON. QazAqparat - Senbi kúni Londonnyń ortalyǵynda atys bolyp, eki bala men tórt áıel jaraqat aldy. Sonyń ishinde jeti jasar qyz balanyń jaǵdaıy áli aýyr. Kúdikti jeksenbi kúni keshke qamaýǵa alyndy. Bul týraly QazAqparat Euronews-ke silteme jasap habarlaıdy.
Polıtsııa halyqty tergeý jumystaryna kómektesýge shaqyrdy.
«Oqıǵaǵa kýá bolǵan nemese ol týraly birdeńe biletin barlyq adamnan aqparat alǵymyz keledi. Biz úshin kez kelgen málimet qundy», - dedi London polıtsııasynyń ofıtseri Djek Roýlends.
Polıtsııanyń málimetinshe, oq atqan adam ıÝston aýdanyndaǵy katolık shirkeýiniń janynan ótip bara jatqan kólikten oq jaýdyrǵan. Bul kezde 300-den astam adam qatysqan eske alý keshi endi ǵana aıaqtalǵan edi.
- Foto:
- RFStock
