Londondaǵy Olımpıada qarsańynda Astanada kúresten Azııanyń lıtsenzııalyq irikteý týrnıri ótedi
ASTANA. 26 naýryz. QazAqparat - 30 naýryz ben 1 sáýir aralyǵynda Qazaqstanda alǵash ret HHH Jazǵy Olımpıada oıyndaryna (London, Ulybrıtanııa) grek-rım, erkin jáne áıelder kúresinen Azııanyń lıtsenzııalyq irikteý týrnıri ótedi.
Bul jaıynda QR Kúres federatsııasy habarlap otyr.
Jarysqa sary qurlyqtyń 22 elinen komandalar kelmek. Qatysýshylar arasynda álemniń azýly balýandary da bar. Búginde resmı delegatsııalar Astanaǵa kelýdi bastady.
Osyǵan oraı, 28 naýryz kúni saǵat 12.00-de «Dáýlet» sport kesheninde jýrnalısterge arnalǵan baspasóz máslıhaty ótedi.
Jıynǵa QR Kúres federatsııasynyń prezıdenti, FILA Bıýrosynyń múshesi Dáýlet Turlyhanov, grek-rım kúresinen Qazaqstan ulttyq quramasynyń bas bapkeri Muratbek Qasymhanov, erkin kúresten Qazaqstan ulttyq quramasynyń bas bapkeri Altaı Tanabaev, áıelder erkiń kúresinen Qazaqstan ulttyq quramasynyń bas bapkeri Sarjan Jaqsybekov jáne Qazaqstan Respýblıkasy Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov qatysady.
