Londondaǵy lańkestik isi boıynsha taǵy úsh kúdikti ustaldy
ASTANA. 26 mamyr. QazAqparat - Ulybrıtanııada polıtsııa Londonnyń Výlvıch aýdanynda áskerı qyzmetshini óltirýge kúdikti taǵy úsh adamdy ustady, dep habarlady RBK jergilikti ókimet oryndaryna silteme jasap.
Ustalǵan er adamdar 21-28 jasta.
Polıtsııa ustalǵan úsh kúdiktiniń ekeýine elekktroshoker qoldanýǵa májbúr boldy. Eki er adam Londaonnyń ońtústiginde úılerinen ustaldy.
Výlvıchtegi lańkestik isi boıynsha barlyǵy 6 adam qolǵa tústi, olardyń ishinde áıel de bar. Olarǵa «kisi óltirý maqsatynda sybaılasqan» degen aıyp taǵylýda. Olardyń bireýi buryn Kenııada sotty bolǵan.
Eske sala keteıik, sarbazǵa shabýyl jasaý 22 mamyrda keshke qaraı bolǵan - qylmyskerler áskerı qyzmetshige pyshaq ala júgirip, «Allahý ákbar» dep aıqaılaǵan. Bul bolǵan oqıǵanyń «saıası astary bar ıslamdyq lańkestik» dep jarııalanýyna túrtki boldy.
Bul oqıǵa brıtan qoǵamynda qyzý pikir týǵyzdy. Premer-mınıstr Devıd Kemeron óziniń Frantsııaǵa saparyn úzdi, elde ıslamǵa qarsy tolqýlar oryn aldy.
