Londondaǵy bombadan qorǵanatyn býnkerler týrısterdi qabyldaıdy
ASTANA. QazAqparat - Londonda bombadan qorǵaný maqsatynda qazylǵan týnnelderde endi týrıster emin-erkin júre alady. Ol úshin ekskýrsııa jasaýshylar ІІ dúnıejúzilik soǵys kezinen qalǵan býnkerlerge túsýi qajet. Sóıtip jer astyndaǵy jumbaq álemniń jaı-japsarymen tanysýǵa múmkindik alady, dep jazady 24.kz.
Jergilikti bıliktiń aıtýynsha, bul adamdardyń tanymyn keńeıtedi ári ekonomıkalyq jaǵynan da tıimdi kórinedi. Bir qaraǵanda, stansa Londondaǵy metro aıaldamasy sekildi bolyp kórinýi múmkin. Alaıda onyń astynda shamamen 37 metr tereńdikte bombadan qorǵanatyn týnnel ornalasqan.
ІІ dúnıejúzilik soǵys kezinde qazylǵan býnkerge kezinde 8 myń adamǵa deıin syıǵan eken. Apat dabyly kelip túskennen keıin londondyqtar birden jer astyna túsetin. Olar munda tek bılet arqyly jiberilgen. Týnnelde ashana, jatyn oryn, oıyn-saýyq ortalyǵy men tipti shaǵyn aýrýhana da bolsa kerek.
Soǵystan keıin bul býnkerler ýaqytsha baspana retinde paıdalanýǵa berilgen. Oǵan birkezderi áskerı qyzmetkerler de ornalastyryldy. Týnnel qabyrǵalarynda áli kúnge deıin turǵyndardyń esimi jazýly tur. Búgin olardy kez kelgen adam óz kózimen kóre alady. London bıligi ekskýrsııadan túsken qarajatty shahar metrosynyń jumysyn jaqsartýǵa jaratýdy kózdep otyr.
