Londondaǵy bássaýdada Janna d'Arktyń saqınasy 420 myń dollarǵa satyldy
ASTANA. QazAqparat - Londondaǵy TimeLine Auctions aýktsıonynda Frantsııanyń 15 ǵasyrdaǵy batyr qyzy Janna d'Arktyń saqınasy satyldy. Qundy jádigerdiń jańa ıesiniń esimi qupııa qalyp otyr, dep jazady sheteldik BAQ.
Taza kúmisten soǵylǵan saqına bássaýdada óte qomaqty baǵaǵa satyldy. Satyp alýshy júzikke 297,6 myń fýnt usyndy, bul shamamen 420 myń AQSh dollary.
Kollektsııa jınaýshylar osy lotqa talasqany sonshalyq, olar saqınanyń qunyn rekordty deńgeıge kóterdi. Londondaǵy TimeLine Auctions aýktsıonyna jınalǵandar áshekeı Janna d'Arktyń saqınasynyń sıpattalýyna tolyq sáıkes kelip turǵanyn atap ótti. saqına emennen jasalǵan qorapshaǵa salynǵan. Ony ıelengen adamǵa saqınanyń túpnusqa ekenin kýálandyratyn qujat berildi.
