Londondaǵy aýrýhanaǵa machete ustaǵan er adam shabýyldady
ASTANA. QazAqparat - Londonnyń Qasıetti Stefan kóshesinde ornalasqan aýrýhanaǵa machete ustaǵan er adam shabýyldap, tórt adamdy shapqan, dep habarlaıdy BBC News.
Qaskóı tórt adamdy jaraqattaǵan. Zardap shekkenderdiń úsheýin aýrýhanaǵa jatqyzýǵa týra keldi. Keıin belgili bolǵandaı olardyń jaraqaty ómiri úshin asa qaýipti emes.
Shabýyldaǵan er adamnyń ózi de jaraqat alyp, aýrýhanaǵa tústi, dep jazady Daily Star basylymy.
Oqıǵa ornynda polıtsııa jumys istep jatyr. Tártip saqshylarynyń málimdeýinshe, bul terakt emes.
