Londondaǵy Ál-Rahma atyndaǵy Islam ortalyǵy men meshit órtendi

Skotland-ıArdyń lańkestikke qarsy qyzmeti atalǵan oqıǵaǵa Islamǵa qarsy toptyń qatysy bar dep otyr.

«The Daily Telegraph» agenttigi habarlaǵandaı, Somalı musylmandarynyń dıasporasy jınalǵan Islam ortalyǵynda meshit te bolǵan. Órt oqıǵasynan keıin onyń qabyrǵasynda «EDL» degen jazýdyń bolǵany anyqtaldy. English Defence League («EDL») - bul Islamǵa qarsy ýltraońshyl toptyń belgisi. Osy oraıda musylman uıymdary ókilderiniń málimdeýinshe, Lı Rıgbı esimdi sarbazdyń óliminen keıin Ulybrıtanııada Islamǵa qarsy áreketter kóbeıdi. Somalı dıasporasynyń jetekshisi Mohammed Elmıdiń sózine qaraǵanda, onyń otandastary kóshege shyǵýǵa da qorqady. Al áıelder hıdjab kııýge úreılenedi.

«Faith Matters» uıymynyń málimeti boıynsha sońǵy eki aptanyń ishinde musylmandarǵa qarsy 222 oqıǵa tirkeldi. Onyń ishinde Grımsbı qalasyndaǵy Islam mádenı ortalyǵyn órtteý áreketi de bar.