Londondaǵy Taýer kópiri birneshe saǵatqa jabylyp, jol qozǵalysynda tejelis týyndady

ASTANA. KAZINFORM – Ulybrıtanııanyń astanasyndaǵy Taýer kópiriniń birneshe saǵatqa jabylýyna jol-kólik oqıǵasy sebep bolǵan. 

Oqıǵa ornynan túsirilgen sýretterden polıtsııa jáne jedel járdem kóligin kórýge bolady. Joldyń jabylýyna baılanysty birneshe avtobýstyń baǵyty ózgertildi.

Kýágerlerdiń biri Týlı kóshesinde keptelis paıda bolǵanyn, qozǵalys qıyndaǵanyn, onyń ústine oqıǵany baqylaǵan jaıaý júrginshiler leginiń artqanyn aıtty.

Polıtsııa málimetinshe, kólik júrgizýshisi jaıaý júrginshini qaǵyp ketken. Zardap shekken áıel aýrýhanaǵa jetkizilgen. Tótenshe jaǵdaılar qyzmetiniń jumysy úshin jol ýaqytsha jabylyp, saǵat 20.00-ge qaraı Taýer-Brıdj-roýd ústindegi kólik qozǵalysy qalpyna keltirildi.