Londondaǵy Cherchıll músinine shyqqandar qylmystyq jaýapkershilikke tartylady
ASTANA. KAZINFORM — Brıtanııa úkimeti Parlament alańyndaǵy Ýınston Cherchıll músininiń ústine shyǵý qylmys sanalatynyn málimdedi, dep habarlaıdy BBC.
Dál osyndaı qylmys jasaǵan adam koroldiktiń Ekinshi dúnıejúzilik soǵystaǵy kóshbasshysyn qorlaǵany úshin úsh aıǵa deıin túrmege qamalýy jáne 1000 fýnt sterlıng kóleminde aıyppul tóleýi múmkin.
Cherchıll músini resmı túrde brıtandyq soǵys kezindegi eskertkish retinde jiktelmegen, biraq Іshki ister mınıstri Ivett Kýper ony arnaıy memorıaldar tizimine qosý josparlanyp jatqanyn aıtty. Bul usynys qazir parlamentte qaralyp jatqan «Qylmys jáne polıtsııa qyzmeti» zań jobasynda qamtylǵan. Premer-mınıstr Kır Starmer bul bastamany qoldady.
— Ser Ýınston Cherchıll elimizdiń eń uly batyrlarynyń qatarynda tur. Ol árbir premer-mınıstr úshin shabyt kózi sanalady, — dedi ol.
Eske sala keteıik, Ulybrıtanııa júzdegen memlekettik organdy jabýdy josparlap otyr.