Londonda júrdek poıyzdyń terezesinen basyn shyǵarǵan jolaýshy mert boldy

ASTANA. QazAqparat - Londondaǵy ekspresste bolǵan jan túrshigerlik oqıǵa tergelýde. Keshe jergilikti ýaqytpen keshki 5 jarym shamasynda, áýejaıdan qala ortalyǵyna bet alǵan júrdek poıyz terezesinen jolaýshylardyń biri basyn shyǵarǵan, ony kórshi jolda joǵary jyldamdyqpen kele jatqan poıyz qaqqan, dep habarlaıdy Sky News.

Kýágerlerdiń aıtýynsha, kúshti soqqy jolaýshynyń basyn julyp áketken. Tótenshe jaǵdaı ornyna polıtsııa kelip, stantsııany qorshaýǵa alǵan. Jáne apatty-qutqarý qyzmeti men jedel járdem kelgenmen, zardap shegýshiniń ómirin qutqaryp qala almady. Tikushaqpen kelgen dárigerler jolaýshyny óldi dep rastady.

Marqumnyń aty-jóni jarııalanǵan joq. Kýágerler shamamen 20 jastaǵy jas jigit ekenin aıtýda.

Brıtandyq kólik polıtsııasynyń ókili jýrnalısterge oqıǵanyń kúdikti dep qarastyrylmaıtynyn aıtty.  Jáne atalǵan is boıynsha materıaldardyń aıryqsha sottyń qaraýyna jiberiletinin habarlady.