Londonda judyryqtasatyn «Arlandar» belgili boldy
ASTANA. QazAqparat - Búkilálemdik boks serııasy aıasynda (WSB) óner kórsetip kele jatqan «Astana arlandary» sapynda jartylaı fınalda «Brıtısh Laınhrats» komandasymen qarymta kezdesýge shyǵatyn boksshylarymyz anyqtaldy, dep habarlaıdy QazAqparat tilshisi.
Ótken senbi kúni Qostanaı qalasynda ótken alǵashqy kezdesýde qarsylastaryn 4:1 esebimen oısyrata jeńgen «Arlandarymyz» ekinshi kezdesýin syrt alańda, ıaǵnı Ulybrıtanııanyń astanasy London qalasynda 8 maýsym kúni ótkizedi.
Bul kúni sharshy alańǵa otandastarymyz arasynan 52 keli salmaqta Oljas Sáttibaev, 60 keli salmaqta Zákir Safıýllın, 69 keli salmaqta Aslanbek Shymbergenov, 81 keli salmaqta Arman Rysbek jáne asa aýyr salmaqta Nursultan Amanjolov el namysyn qorǵamaq.
Al jergilikti boksshylardan tómengi salmaqtan joǵary qaraı reti boıynsha Dın Farell, Chad Mılns, Kýmar Manodj, Tomas Ýıtakker-Hart jáne Patrık Maılata esimdi boksshylar sharshy alańǵa shyǵady dep kútilýde.
Qos komanda arasyndaǵy aıqas Astana ýaqytymen 01:00-de bastalady. «Arlandar» qarsylastaryn utatyn bolsa fınalǵa joldama alady. Eger eki komanda eki kezdesýdiń qorytyndysy boıynsha teń nátıje kórsetse, jeńimpazdy qosymsha 52 keli salmaqta synǵa túsetin boksshylar anyqtaıdy. Bul salmaqta qazaqstan namysyn Anvar Muzaparov qorǵamaq. Jeńimpaz aldyn ala belgilengen jaǵdaıda, Anvar Muzaparov sharshy alańǵa shyqpaýy múmkin.
