Londonda jol aqy tóleý júıesi isten shyǵýyna baılanysty jolaýshylar 100 myń ret tegin júrgen
ASTANA. QazAqparat - Kompıýterlik aqaý saldarynan senbi kúni myńdaǵan adam Londonnyń qoǵamdyq kóliginde tegin júrdi, dep jazady VVS agenttigi.
Belgisiz sebeptermen metro stansalaryndaǵy jáne avtobýstardaǵy termınaldar jolda júrý kartalarynan aqparatty durys qabyldamaǵan. Osylaısha, olardy sóndirýge týra keldi, al jolaýshylar alty saǵattaı metro jáne avtobýstarmen tegin júrdi.
London Kólik júıesiniń baǵalaýynsha, tańǵy saǵat 4-ten 10-ǵa deıin shamamen 100 myń tegin júrý tirkeldi. Shyǵyn shamamen 250 myń fýntqa jetken. Qazir tehnıkalyq aqaý joıyldy, jolaýshylar jolaqylaryn tólep jatyr.
Aýytqý júıeniń jańa tarıfterge kóshýine baılanysty bolǵan. 2 qańtardan Londondaǵy qalalyq kólikte júrý quny ortasha alǵanda 1,1% ósti.
BAQ-ta bul sońǵy 10 jylda bolyp turǵan birinshi olqylyq ekeni habarlandy.
