Londonda jelaıaqtar marafony kezinde bir áıel qaıtys boldy

Marafonǵa qatysqan Kler Skýaıers márege jetip qalǵan shaǵynda, ıaǵnı Býkıngem saraıynyń mańyndaǵy saıabaqta aıaq astynan esinen tanyp qulaǵan. Oǵan dereý medıtsınalyq kómek kórsetilgenimen, mamandar onyń ómirin arashalap qala almady, dep jazady Baq.kz.

«Interfaks-Qazaqstan» agenttiginiń habarlaýynsha, bul - marafon uıymdastyrylyp kele jatqan 1981 jyldan beri tirkelip otyrǵan onynshy qaıǵyly oqıǵa. Buǵan deıin de tirkelgen oqys jaǵdaılardyń oryn alýyna kóbine jarysqa qatysýshylardyń júrekteriniń syr berýi sebep bolǵan. London kósheleri boıynsha júgirip ótý kózdelgen bul jolǵy marafonǵa 37 myńnan asa adam qatysqan. Qatysýshylardyń ishindegi eń qart adamnyń jasy 101-de.

Aıta keteıik, London marafony jylda kóktemde uıymdastyrylady. Jáne jarystyń álem boıynsha bedeli zor ári oǵan qatysýshylar sany da azaıǵan emes. Alǵashqy marafon 1981 jyly Olımpıada júldegerleri Krıs Brasher jáne Djon Dıslıdiń bastamasymen uıymdastyrylǵan bolatyn.