Londonda jarylys bolyp, 30 adam zardap shekti
LONDON. QazAqparat - Londonnyń soltústigindegi Stemfod Hıll aýdanynda bolǵan jarylys saldarynan 30-ǵa jýyq adam zardap shekken, dep habarlaıdy Daily Express.
Basylymnyń málimdeýinshe, oqıǵa ot jaǵylyp toılanatyn Lag ba-Omer eýropalyq merekesin atap ótý úshin kóp adam jınalatyn aýdanda bolǵan.
Bir nusqa boıynsha, jarylys toılaýshylardyń alaýǵa laqtyrǵan uıaly telefondary saldarynan bolýy múmkin. Taǵy bir nusqa boıynsha, jarylystyń shyǵýyna otty tutandyratyn janǵyshty abaısyz qoldaný sebep bolǵan.
Daily Express deregi boıynsha, 30-ǵa jýyq adamdy kúıik shalyp, túrli jaraqat alǵan. Onyń ishinde 10 adam oqıǵadan keıin birden aýrýhanaǵa jetkizilgen, qalǵandary sol jerde qaraldy.
Oqıǵa ornyndaǵy vıdeoda ot jaǵylǵannan keıin jarylys bolyp, jalyn oǵan birneshe metrde turǵan adamdardy sharpyǵany kórinip tur.
