Londonda velosıpedti jalǵa berý qyzmeti jumys isteı bastady
ASTANA. Shildeniń 31-i. QazAqparat - Kesheden bastap London velosıpedterdi jalǵa berýdiń jalpyqalalyq júıesi iske qosylǵan megapolısterdiń qataryna qosyldy, dep habarlaıdy ITAR-TASS. Brıtan elordasynyń meri jáne kóliktiń osy túriniń jankúıeri Borıs Djonson keshe birinshi bolyp jalǵa velosıped alyp, jumysyna - qalalaq merııaǵa attandy.
Jalǵa beriletin velosıped parkinde búginde 6 myń «shaıtan arba» bar. Jaqyn arada olardyń sany eki esege artyp, suranys ósken saıyn, park te óse bermek.
Velosıpedti táýligine 41 fýnt sterlıngke (1,5 AQSh dollary) jaldaýǵa bolady. London metrosynda júrý bıleti 5 fýnt sterlıng turatynyn eskersek, velosıped jaldaý áldeqaıda arzanǵa túsedi.
Velosıpedti jalǵa berýdiń zamanaýı jalpyqalalyq júıesi alǵash ret 2003 jyly Venada engizilgen bolatyn. Sodan beri avstrııalyq tájirıbeni kóptegen eýropalyq megapolıster ıgerip otyr.
