Londonda Van Gogtyń eki kartınasynan turatyn shaǵyn kórme ashyldy
ASTANA. 26 qańtar. QazAqparat - Brıtanııadaǵy ımpressıonısterdiń shyǵarmalaryn súıip tamashalaýshylar gollandııalyq sýretshi Vınsent Van Gogtyń ataqty «Kúnbaǵys» shyǵarmasynyń eki avtorlyq nusqasyn birden qatarynan kórý baqytyna ıe boldy. Eki kartınadan turatyn shaǵyn kórme London Ulttyq galereıasynda ashyldy.
«Biz eki týyndyny qatarynan kóre alamyz, bul erekshe atmosfera týdyrady», - deıdi brıtandyq ónertanýshy Martın Beılı. Kartınalardyń biri Ulttyq galereıa kollektsııasyna kiredi, al ekinshi óner týyndysy Van Gogtyń Amsterdamdaǵy tanymal murajaıynan ákelingen, dep habarlaıdy ITAR-TASS.
Ekinshi sýret birinshi sýretten soń shamamen bir jyldan keıin salynǵan. Amsterdamnan ákelingen sýret 1889 jyly, al, onyń londondyq nusqasy sýretshiniń qalamynan sál keıinirek týǵan. Ónertanýshylardyń sózderine qaraǵanda, Van Gogtyń shyǵarmashylyq qabiletiniń sharyqtaý kezeńi naq osy jyldarǵa sáıkes keledi. Kórme 27 sáýirge deıin jalǵasady.
Jalpy, atalmysh sýretterdi qosa alǵanda, álemde áıgili qylqalam sheberiniń «Kúnbaǵys» atty bes týyndysy bar.
