Londonda úzdik úshtiktiń qatarynan oryn alýǵa tyrysam - almatylyq jeńil atlet Amanat Qalqaev
ALMATY. 12 jeltoqsan. QazAqparat /Erlik Erjanuly/ - Múmkindigi shekteýli jandar arasyndaǵy Búkilálemdik oıyndarda (IWAS) óz múmkindigimdi tolyq kórsete almadym. Ony almatylyq jeńil atlet Amanat Qalqaev búgin Almatyda ótken baspasóz máslıhaty kezinde aıtty.
1-7 jeltoqsan kúnderi Birkken arab ámirliginiń Shardja qalasynda ótken bul dúbirli dodaǵa sporttyń 9 túri boıynsha 42 elden sportshylar qatysqan bolatyn. Onda qazaqstandyqtar jeńil atletıka men sýǵa júzý sporty boıynsha qatysyp, 6-orynǵa ıe boldy,
«Jeńil atletter arasyndaǵy jarysqa 38 eldiń sportshylary qatysty.
Olardyń arasynda basty qarsylastarym Qytaı men Reseı atletteri boldy. Onda 11 álem rekordy jańardy. Onda uzyndyqqa sekirýden júldeli oryn ıelene almasam da, Paralımpıada normatıvin oryndap, 2012 jyly Londonda ótetin Paralımpıada oıyndarynyń joldamasyn jeńip aldym», - deıdi Amanat Qalqaev.
Qazaqtyń týrızm jáne sport akademııasynda bilim alyp jatqan ol Shardjada 100 metrlikte altynshy, 400 metrlikte jetinshi oryn alǵan bolatyn. Kórsetken nátıjelerine kóńili tolmaıtynyn aıtqan Ádilet jattyǵý kezinde qol jetkizgen kórsetkishterin qaıtalaǵanda qola júldeger atanýǵa múmkindik bolǵanyn aıtty. Sondyqtan barlyq kúsh-jigerin ol endi Londonda úzdik úshtiktiń qatarynan oryn alýǵa baǵyttamaq. Buǵan deıin Azııa oıyndarynda 3-oryn alǵan jeńil atlet Búkilálemdik oıyndardan úlken sabaq alǵanyn, ondaǵy qatelikterdi endi Londonda qaıtalamaýǵa tyrysatynyn aıtyp otyr.
