Londonda Taýer kópiri buzylyp, ashylǵan kúıi turyp qaldy
LONDON. QazAqparat – Dúısenbi kúni Londonnyń belgili Taýer kópiri isten shyǵyp, kóterińki kúıde turyp qalǵan. Saldarynan Temza ózeniniń eki jaǵynda úlken kólik keptelisi týyndady. QazAqparat bul týraly Reuters agenttigine silteme jasap habarlaıdy.
London Sıtı (City of London) aýdandyq polıtsııa bólimshesi resmı ókiliniń málimetinshe, jazylmaly Taýer kópiri túngi saǵat 2:45-ten keıin ashyq kúıde turyp qalǵan.
1976 jyldan bastap kópirdiń eki sektsııasy maı jáne elektr jaryǵymen jumys isteıtin arnaıy generatorlar arqylyp kóterilip-túsiriledi.
«Tehnıkalyq isten shyǵý sebebimen Taýer kópiri qazirgi kezde kóterińki kúıi turyp qalǵan», - dedi kópirge ıelik etip otyrǵan City of London korporatsııasynyń resmı ókili. Korporatsııada oryn alǵan problemany tezirek sheshý boıynsha jumystar júrgizilip otyrǵanyn qosyp ótti.
Byltyr tamyzda kópir osyǵan uqsas jaǵdaıdyń oryn alýy sebebimen bir táýlikten astam ýaqytqa jabylǵan.
