Londonda Semeı polıgony týraly derekti fılmniń dúnıejúzilik tusaýkeseri ótti
ASTANA. 13 mamyr. QazAqparat - Sársenbi kúni keshke Londondaǵy Prince Charles Cinema-da Semeı polıgonyndaǵy ıadrolyq synaqtan zardap shekken adamdar týraly túsirilgen «Aqyrzamannan keıin» derekti fılminiń dúnıejúzilik tusaýkeseri ótti,
dep jazady Wellcom trust.
Fılm tuqym qýalaıtyn genetıkalyq aýrýdan zardap shegetin qazaq qyzy Bıbigúldiń qaıǵyly taǵdyry týraly áńgimeleıdi. Aıaǵy aýyr Bıbigúlge dárigerler túsik jasatýǵa keńes beredi, óıtkeni bala Daýn sındromymen dúnıege kelýi múmkin. Bıbigúl ómirge deni saý bala ákele ala ma, joq pa? Fılmniń basty shytyrman oqıǵasy osy.
«Aqyrzamannan keıin» derekti fılmin jazda Ulybrıtanııanyń barlyq kınoteatrlarynda kórsete bastaıdy.
