Londonda polıtsııa qyzmetkerine machetemen shabýyl jasaldy
LONDON – NUR-SULTAN. QazAqparat – Londonda belgisiz bireý polıtsııa qyzmetkerine machetemen shabýyl jasady. Ofıtser aýyr halde jatyr, dep habarlaıdy QazAqparat BBC News-ke silteme jasap.
Polıtsııa qyzmetkerleri Leıtonde fýrgondy toqtatpaqshy bolǵanda qolyna machete ustaǵan kólik júrgizýshisi tártip saqshysyna shabýyl jasap, birneshe jerden jaraqattaǵan.
Polıtseılerdiń sózinshe, tún ortasyndaǵy shabýyl «kenetten ári aıýandylyqpen» jasaldy. Alaıda, olar qaskóıge qarsy elektr eseńgiretkish paıdalanyp úlgergen. Ekinshi ofıtser ony birden qolǵa túsirdi.
Zardap shekken polıtsııa qyzmetkeri aýrýhanaǵa jetkizildi. Qazirgi tańda onyń jaǵdaıy «turaqty aýyr» dep baǵalanýda.
London polıtsııasy ofıtserler Kýpers-leın jáne Leıton-Haı-roýd jol qıylysynda fýrgondy toqtatýǵa tyrysqanyn málimdedi. Avtokólik toqtamaı qoıyp, artynan júrgizýshisi kólikten shyǵyp, polıtsııa qyzmetkerleriniń birine shabýyl jasaǵan.
50 jastaǵy er adam oqıǵa ornynda dene jaraqatyn keltirgeni úshin kúdikti retinde ustalyp, Londonnyń shyǵysyndaǵy polıtsııa beketine jaýap alý úshin jetkizildi.
Polıtsııa bolǵan oqıǵany lańestik áreketke teńeýge negiz joq ekenin málim etti.
