Londonda Pákistannyń jetekshi partııalarynyń biriniń qaıratkeri óltirildi
ASTANA. Qyrkúıektiń 17-si. QazAqparat - Beısenbi kúni keshkilik ýaqytta Ulybrıtanııa astanasynda Birikken ulttyq qozǵalys atalatyn Pákistandaǵy jetekshi saıası partııanyń kórnekti qaıratkeri óltirildi. Bul týraly Sky News telearnasy habarlady.
Polıtsııa ókilderiniń resmı málimetteri boıynsha, 50 jastaǵy Imran Farýkke onyń úıiniń janynda qastandyq jasalǵan. Ol pyshaq jaraqaty saldarynan qaıtys boldy.
I. Farýk óz otanynda saıası kózqarasy úshin qýǵynǵa ushyraýyna baılanysty 1999 jyly Ulybrıtanııa úkimetinen bassaýǵa suraǵan bolatyn, dep habarlaıdy ITAR-TASS.
