Londonda ótken Golovkınniń ashyq jattyǵýyna kórermender kóp jınaldy
ASTANA. QazAqparat - Qazaqstandyq bylǵary qolǵap sheberi Gennadıı Golovkın men onyń qarsylasy - brıtandyq Kell Brýk London kóshesinde ashyq jattyǵý ótkizdi.
Áleýmettik jelilerde olardyń jattyǵýyn tamashalaýǵa jınalǵan top-top adamdar túsirilgen beınerolıkter jarııalandy.
Eske sala keteıik, 10 qazan kúni WBA (Super), IBO, WBC jáne IBF nusqasy boıynsha orta salmaqta álem chempıony Gennadıı Golovkın (35-0, 32 KO) jartylaı orta salmaqtaǵy IBF chempıony Kell Brýkpen (36-0, 25 KO) judyryqtasady. Jekpe-jek Londondaǵy 20 myń kórermen syıatyn O2 arenasynda ótedi. Qazaqstandyq jankúıerler kezdesýdi «Qazaqstan» jáne «Qazsport» arnalarynan tikeleı efırde tamashalaı alady. Translıatsııanyń bastalýy Astana ýaqytymen 00:00-de bastalady.
