Londonda ótip jatqan forýmda QR Bilim jáne ǵylym mınıstri baıandama jasaıdy
ASTANA. Qańtardyń 12-si. QazAqparat - Qańtardyń 11-13-i aralyǵynda Londonda 50 memlekettiń bilim jáne ǵylym mınıstrleriniń, 70 memlekettiń 750-den astam bilim berý mekemeleri basshylarynyń qatysýymen álemdik deńgeıdegi forým ótip jatyr.
Oǵan elimizdiń Bilim jáne ǵylym mınıstri de qatysýda. Bul aqparatty QR Bilim jáne ǵylym mınıstrliginiń baspasóz qyzmeti taratyp otyr.
Vedomstvonyń habarlaýynsha, arnaıy shaqyrylǵan elimizdiń Bilim jáne ǵylym mınıstri alqaly jıyn barysynda baıandama jasamaq.
Forýmnyń negizgi maqsaty - bilim jáne joǵary tehnologııa salasyndaǵy kóshbasshylardyń basyn qosý, ózara tıimdi jáne sony ıdeıalar men baǵaly tájirıbelermen almasý. Onda qaralatyn taqyryptardyń biri - bilim berýdegi máselelerdi qaıta qaraý. Bul óz kezeginde ómirdiń barlyq salasynda aımaqtyq jáne álemdik kóshbasshylyqqa umtylyp otyrǵan ulttyq ekonomıkanyń qarqyndy damýy jaǵdaıynda mańyzǵa ıe. Qazirgi zamannyń osy jáne basqa da ózekti máseleleri joǵary tehnologııany damytý keleshegi sheńberinde qarastyrylady.
